Сојуз на возачи на Македонија
  Цели и задачи

• организира служба која се грижи за одржување, сервисирање и баждарење на опремата во станиците за тех. преглед;
• организира и спроведува разновидни форми на активности насочени на подигање нанивото на сообраќајната култура кај сите учесници во патниот сообраќај, а особено кај возачите на моторни возила, децата и младината;
• самостојно и во соработка со други фактори што работат на унапредувањето на безбедноста во патниот сообраќај, организира и развива активности насочени за поголема безбедност во патниот сообраќај;
• врши контрола над работата на ЗВ заради обезбедување законито и стручно извршување на дејностите од јавен карактер;
• активно учествува во постапката за донесување на прописи од областите во кои ја остварува својата дејност (безбедност во патниот сообраќај, организација на превозот, стандардизација и хомологација на возилата), со давање забелешки, мислења и предлози, како и со непосредно учество во телата што работат на нивно подготвување;
• остварува меѓународна соработка со организации и тела со исти или слични цели и задачи;
• заради сообраќајно-техничко образование и воспитание на учесниците во сообраќајот, особено на возачите, издава стручно образовна литература сврзана со статутарните цели и задачи и објавува текстови од овој карактер во списанието “Современ возач”.
• се грижи за подобрување на работните и животните услови за возачите, автомеханичарите и вработените со слични занимања, како и за остварување на правото на бенифициран работен стаж на одделни категории возачи.

СВМ како докажана организација во својата област,  во насока на остварување на своите основи цели и задачи, врши и јавни овластувања пренесен со Закон и врз основа на акти од надлежните државни органи, како што се хомологациските прегледи на единечно увезени возила во Р. Македонија, издава меѓународна возачка дозвола и одобрение за управување туѓо моторно возило во странство. Јавните овластувања СВМ ги врши непосредно или посредно преку своите членки во единствен систем.