Технички преглед
  Видови технички прегледи

Во Законот за безбедност на сообраќајот на патиштата се предвидени два вида на технички прегледи на возилата:

Редовни технички прегледи

• Технички преглед на моторни, приклучни возила, трактори и земјоделски трактори кој задолжително се врши еднаш годишо и
  
• Тех. преглед на моторни и приклучни возила со кои се врши јавен превоз на патници, на возила за прва помош, моторни и приклучни возила кои се наменети за превоз на опасни материи, возила за изнајмување(рент-а кар), возила на авто-школите наменети за оспособување на кандидати за возачи и на возилата постари од 15 години,  кој задолжително се врши на секои шест месеци.

Редовните технички прегледи се задолжителни и се вршат во периоди утврдени со закон (еднаш годишно или на секои шест месеци,  зависно од видот, намената и староста на возилото), а најрано 30 дена ппред истекот на пропишаниот рок на важност на регистрацијата на возилото.

Вонредните технички прегледи се вршат над возила упатени со писмен налог од овластено службено лице, во случаи и на начин утврдени со закон.

Во рамките на реализацијата на нашата основна цел, зголемување на безбедноста во патниот сообраќај, во СТП на ЗВ во РМ се вршат и бесплатни превентивни технички прегледи. Овие тех. прег. вообичаено ги вршиме  во летниот период за време на годишните одмори и летната туристичка сезона, кога и интензитетот на сообраќајот е поголем. ЗВ во РМ навремено, преку средствата за јавно информитање, на соодветен начин ги известуваат возачите за спроведувањето на ваквите акции.